(ថ្ងៃទី 17 វិច្ឆិកា 2012,) | ដោយ: រតនា
CEN
ភ្នំពេញ:
ប្រជាជនអាស៊ានមកពីប្រទេសថៃ ដែលមានគ្នាចំនួន
៤០នាក់ នៅវេលាម៉ោង ២ សៀលថ្ងៃទី១៧ ខែវិច្ឆិកា ឆ្នាំ២០១២
បានចុះទៅដល់សហគមន៍បឹងកក់ ជួបជាមួយប្រជាពលរដ្ឋបឹងកក់
ក្នុងគោលបំណងសួរសុខទុក្ខ និងរំលែកនូវទុក្ខលំបាករបស់អ្នកភូមិបឹងកក់
ដែលកំពុងតែស្វែងរកយុត្តិធម៌
គឺទាមទារឲ្យមានអន្តរាគមន៍ពីលោកអូបាម៉ា ប្រធានាធិបតីអាមេរិក
និងលោកស្រី ហ៊ីលឡារី គ្លីនតុន រដ្ឋមន្ត្រីការបរទេសអាមេរិក
ជួយឲ្យមានការដោះលែងអ្នកស្រី យ៉ោម បុប្ជា ចេញពីពន្ធនាគារ។
កាលពីថ្ងៃទី១៦ ខែវិច្ឆិកា អ្នកស្រី ទេព វនី្ន តំណាងអ្នកភូមិបឹងកក់
បានសម្តែងនូវទុក្ខសោករបស់ពួកខ្លួន និងបានអំពាវដល់លោក អូបាម៉ា
ឲ្យជួយអន្តរាមន៍ពួកគាត់លើបញ្ហាននេះ។ ជាមួយគ្នានោះ
ក្រុមប្រជាពលរដ្ឋនៅក្នុងសហគនមន៍ជាច្រើនទៀត
ក៏ស្វែងរកជំនួយពីលោកប្រធានាធិបតីអាមេរិកផងដែរ។
ក្នុងនោះ
លោក សម រង្ស៊ី ដែលជាប់ឈ្មោះជាទណ្ឌិត ក៏កំពុងសង្ឃឹមថា លោក អូបាម៉ា
និងលោកស្រី ហ៊ីលឡារី គ្លីនតុន
នឹងជួយអន្តរាគមន៍ទៅប្រមុខដឹកនាំរាជរដ្ឋាភិបាលកម្ពុជា
ឲ្យអនុញ្ញាតដល់គាត់ (សម រង្ស៊ី) មានលទ្ធភាពចូលមកមាតុប្រទេសវិញ
ដោយមិនប្រឈមនឹងការជាប់ពន្ធនាគារ៕
No comments:
Post a Comment