ភ្នំពេញ: ក្រោយពីព្រឹត្តិការណ៍ទទួលបានមេដាយមាស ថ្នាក់ Asian Games ថ្មីៗនេះ កីឡាការិនីតេក្វាន់ដូ ស៊ន សៀវម៉ី កំពុងតែមានហាងឆេងទីផ្សារការងារគួរឲ្យកត់សម្គាល់ ព្រោះរាល់ផលិតផលនានាកំពុងតែភ្លូកទឹកភ្លូកដី ទាក់ទងកញ្ញា ស៊ន សៀវម៉ី ថតស្ពតពានិជ្ជកម្មជាហូរហែរ។ នេះបើតាមការឲ្យដឹងពីអ្នកចាត់ការផ្ទាល់ខ្លួនរបស់នាង។
លោក ញ៉ាន សុខវិសាល អ្នកចាត់ការផ្ទាល់ខ្លួន ស៊ន សៀវម៉ី បានទទួលស្គាល់ថា “សព្វថ្ងៃមានក្រុមហ៊ុននានា ទាក់ទងមក ដើម្បីចង់បានកីឡាការិនីឆ្នើមរូបនេះ ទៅផ្សព្វផ្សាយផលិតផលរបស់ពួកគេមែន ហើយមានក្រុមហ៊ុនមួយចំនួននោះ ក៏បានព្រមព្រៀងគ្នារួចរាល់ហើយដែរ”។
ប៉ុន្តែលោកបញ្ជាក់ថា អ្វីដែលគត់សម្គាល់នោះ គឺដើម្បីជាគំរូ និងជាការលើកទឹកចិត្តបន្ថែមទៀត កីឡាការិនី ស៊ន សៀវម៉ី បដិសេដមិនទទួលថតស្ពតពានិជ្ជកម្មណា ដែលទាក់ទងទៅនឹងផលិតផលគ្រឿងស្រវឹង និង បារី។
លោកបានបន្តថា “សម្រាប់ អាម៉ី និង លោកអគ្គលេខាធិការគណកម្មជាតិអូឡាំពិកកម្ពុជា បានសម្រេចថា មិនទទួលយការផ្សព្វផ្សាយគ្រឿងស្រវឹង និងបារីឡើយ នេះគឺជាគោលការដែលបានកំណត់” ។
បើគិតចាប់ពីថ្ងៃដែលកីឡាការិនីឆ្នើមរូបនេះ ទទួលបានមេដាយមាស រហូតមកដល់បច្ចុប្បន្ន ឃើញថា គ្រប់បណ្តាក្រុមហ៊ុនតូចៗធំ កំពុងតែសម្លឹងឃើញកីឡាការិនី ដែលនាំមកនូវទំព័រប្រវត្តិសាស្ត្រថ្មីសម្រាប់កម្ពុជា ក្នុងនោះក្រុមហ៊ុនទូរស័ព្ទ ក្រុមហ៊ុនថ្នាំពេទ្យ ក្រុមហ៊ុនទឹកដោះគោ និងផ្សេងៗជាច្រើនទៀត កំពុងរង់ចាំយ៉ាងត្រៀបត្រា ខណៈពេលនេះនាងកំពុងតែត្រៀមថតស្ពតពាណិជ្ជកម្មខ្លះ ដែលបានចុះកុងត្រារួចរាល់ហើយ៕ ប្រភព ៖ CEN
2 comments:
Great girl. Thank you .
Miss Seavmey,
First, congratulation for your golden success at the Asian games.
Thank You for presenting yourself a good role model for Khmer Youths by refusing to accept " bad commercial".
Chhary
Post a Comment