ppp
លោក ឧកញ៉ាទ្រីភាព នៅពេលធ្វើបទសម្ភាសពិសេស។ ហេង ជីវ័ន |
School of Vice: "7th January" - a blessing and rebirth for Tree Pheap & CPP clans; a curse and tragedy for Cambodia's trees and environment ...
***
លោកឧកញ៉ាទ្រីភាព អគ្គនាយកក្រុមហ៊ុនទ្រីភាពគ្រុបដែលត្រូវបានអង្គការសង្គមស៊ីវិលជាតិ និងអន្តរជាតិបានធ្វើការចោទប្រកាន់ថាជាឧក្រិដ្ឋជនបំផ្លាញព្រៃឈើនៅស្រុកខ្មែរដោយជ្រកក្រោមសិទ្ធិវិនិយោគលើដីសម្បទានសេដ្ឋកិច្ចដើម្បីធ្វើការកាប់បំផ្លាញព្រៃឈើនាំទៅក្រៅប្រទេសបានផ្តល់បទសម្ភាសពិសេសដល់សារព័ត៌មានភ្នំពេញប៉ុស្តិ៍អំពីការប្រកបរបរនេះដូចខាងក្រោម៖
មជ្ឈដ្ឋានទូទៅបានលើកឡើងថាលោកឧកញ៉ាប្រកបរបររកស៊ីកាប់ឈើនៅទូទាំងប្រទេសកម្ពុជាដោយស្ថិតក្រោមស្លាកសញ្ញាដីសម្បទានសេដ្ឋកិច្ចពីរដ្ឋាភិបាលតើលោកឧកញ៉ាអាចពន្យល់បានទេអំពីបញ្ហានេះ?
អង្គការនានាថា ទ្រី ភាព មិនអាចដាំកៅស៊ូបានទេចេះតែកាប់ឈើតែឥឡូវដើរមើលពីរថ្ងៃមើលកៅស៊ូទ្រីភាពគ្រប់ដែរឬអត់? ហើយអញ្ជើញអង្គការនានាទៅដល់អន្លង់រាបទៀតដាំបានប៉ុន្មានទន្លេម្រេចដាំបានប៉ុន្មាន បើទ្រីភាពគិតតែរកស៊ីឈើមិនអាចធ្វើរបងធ្វើក្រុមហ៊ុនកត្តិយសឲ្យបងប្អូនមកអង្គុយកន្លែងហ្នឹងបានទេបិទរបងអស់ហើយ។ សួរថាដីប៉ុណ្ណឹងដីនៅពោធិ៍សាត់បង់ពន្ធ ៩០ លានដុល្លារសហរដ្ឋអាមេរិកបើសិនណាទ្រីភាពបំផ្លិចបំផ្លាញឈើមិនបាច់បង់ពន្ធទេដឹកហើយលក់ៗអាហ្នឹងគេហៅបំផ្លិចបំផ្លាញព្រៃឈើ។ អ៊ីចឹងទី្រភាពដឹកកុងតឺន័រសេវាកម្មមានគយមានស្ថាប័ននានាទាំងអស់មន្ត្រីរាជការចូលរួមបានយើងមានសិទិ្ធដឹកទៅលក់នៅប្រទេសចិនឈើខ្ញុំទិញពីប្រជាពលរដ្ឋទាំងអស់ឈូសឆាយពីដីសម្បទាននានាហ្នឹងខ្ញុំទិញក្នុងមួយគុបពី ៧០០ ដុល្លារទៅដល់ ១០០០ ដុល្លារអាមេរិកហើយយើងលក់នៅស្រុកចិនបានតែ ២៥០០ ទៅ ៣០០០ ដុល្លារចុះការបង់ពន្ធនាំចេញការប្រមូលផលការដឹកជញ្ជូនអ៊ីចឹងក្នុង ១ គុបសល់បានត្រឹមតែ ៣០០ ដុល្លារប៉ុណ្ណោះ។ អ៊ីចឹងអង្គការបងប្អូនទាំងអស់សូមមេត្តាអាណិតអ្នករកស៊ីច្បាស់លាស់ និងរកស៊ីស្មោះត្រង់ផង។
តើលោកឧកញ៉ាអាចពន្យល់បានទេចំពោះការបង់លុយ ៩០ លានដុល្លារហ្នឹងជាការបង់ពន្ធប្រចាំឆ្នាំឬក៏យ៉ាងម៉េច?
បង់ ៩០ លានដុល្លារទិន្និផលដែលបង្កបង្កើនផលបានឧទាហរណ៍ឈើ ១០០០ គុប ២០០០ គុបយើងបង់ពន្ធរហូតអ៊ីចឹងមុននឹងការនាំចេញយើងបង់ពន្ធរហូតមិនមែនប្រចាំឆ្នាំទេអ៊ីចឹងរដ្ឋាភិបាលបានកំណត់ថាបើយើងរកស៊ីបាន បានយើងបង់ពន្ធ។ តែបើយើងអត់រកអីបានបង់ពន្ធប្រចាំឆ្នាំដោយសាររកស៊ីដោយសុទ្ធចិត្តដោយកម្លាំងញើសឈាមតត់ៗបម្រើប្រជាជនខ្មែរអ៊ីចឹងរយៈកាលកៅស៊ូនេះកាប់ព្រៃដាំកៅស៊ូវាប្រែទៅបៃតងដូចគ្នាតែយើងឲ្យយល់ច្បាស់អ៊ីចេះវិញចិញ្ចឹមប្រជាជនខ្មែររាប់ម៉ឺននាក់កាត់បន្ថយភាពក្រីក្រយើងគិតមើលកៅស៊ូទម្រាំតែបានលុយ ១០ ឆ្នាំក្រោយខ្លួនខ្ញុំផ្ទាល់អាយុ ៥១ ឆ្នាំអ៊ីចឹង ៦០ ឆ្នាំបានទទួលទានអ៊ីចឹងខ្ញុំសព្វថ្ងៃរកលុយចិញ្ចឹមកម្មករក្នុងមួយខែ ៦០ ម៉ឺនដុល្លារអាមេរិកចិញ្ចឹមប្រជាជនខ្មែរនេះដូចជាស្តារប្រទេសជាតិអ៊ីចឹងរឿងអីខ្ញុំខុស?
លោកឧកញ៉ាបានមានប្រសាសន៍ថាឈើគឺបាននាំចេញទៅលក់នៅប្រទេសចិនតើលោកឧកញ៉ាអាចពន្យល់បានទេថាតើការនាំចេញហ្នឹងយ៉ាងម៉េច?
ការនាំចេញទី ១ យើងបង់ពន្ធស្របច្បាប់ទីពីរទៀតការនាំចេញទៅស្រុកគេយើងមានធនធានបើសិនណាប្រជាជនកម្ពុជាដែលយកមកប្រមូលឈើចេញពីដីសម្បទានយកមកលក់ឲ្យយើងនេះ ២០០ គុប ៥០០ គុប ឬ ១០០០ គុបយើងទិញតាមហ្នឹងរួចបង់ពន្ធស្របច្បាប់ក្នុងការនាំចេញអ៊ីចឹងក្នុងមួយខែៗយើងចេញបាន ៥០ ទូ ១៥០ ទូ ៣០០ ទូ បង់ពន្ធជូនគយ គណៈកម្មការជាកញ្ចប់របស់រាជរដ្ឋាភិបាលកំណត់ហើយឆែកឆេរពិនិត្យវាស់វែងហ្មត់ចត់ណាស់។
ក្រៅពីនាំចេញទៅប្រទេសចិនតើមាននាំទៅប្រទេសណាផ្សេងទៀតទេពីព្រោះមានរបាយការណ៍មួយលើកឡើងថាការនាំទៅចិនឆ្លងតាមកំពង់ផែប្រទេសវៀតណាម?
ទ្រីភាពមិនដែលនាំកាត់ឆ្លងដែនព្រំដែនវៀតណាមម្តងណាទេឡានទ្រីភាពមិនដែលឆ្លងកាត់តែម្តង ឡានទ្រីភាពសុខចិត្តបើកវាងពីក្រចេះស្ទឹងត្រែងមកភ្នំពេញដោយសារខ្លាចគេចោទនៅតែគេចោទទៀតអាហ្នឹងអស់លោកគិតថាម៉េច? ថ្ងៃនេះបកស្រាយបញ្ហា៧មករាតេជោសែន និងខ្លួនខ្ញុំផ្ទាល់ខ្ញុំមិនប៉ះពាល់អ្នកណាទេបើខ្ញុំប៉ះពាល់គេវាដាច់អាបត្តិហើយពីព្រោះធ្វើខ្លួនឯងមិនកើតឆ្លើយដាក់គេ។ ដូចគេឆ្លើយដាក់ខ្ញុំអ៊ីចឹងគេថាទ្រីភាពធ្វើចេះៗ...អាហ្នឹងគេច្រណែន។
រាល់ឈើដែលនាំចេញនោះតើលោកឧកញ៉ាបានមកពីណា?
យើងដេញបានក្នុងការប្រមូលទិញឈើដែលរដ្ឋមន្ត្រីក្រសួងបរិស្ថានរដ្ឋមន្ត្រីក្រសួងកសិកម្មរដ្ឋបាលព្រៃឈើគឺយើងប្រមូលទិញទូទាំងប្រទេស។ អ្វីដែលយើងពិគ្រោះថ្លៃហើយការពិគ្រោះថ្លៃនេះបងប្អូនបើជួយជាតិពិគ្រោះថ្លៃយកតែបើអត់ស្រឡាញ់ជាតិដេញថ្លៃរដ្ឋខាតបងប្អូនចំណេញបងប្អូនដាក់ ១០-២០ ទៅ ៣០ នាក់តែបងប្អូនទៅចរចាគ្នាយកលុយអស់ហើយអ៊ីចឹងឲ្យមនុស្សតែម្នាក់ឯងទេដេញបានដូច្នេះតម្លៃជាតិត្រូវធ្លាក់តែតម្លៃសេដ្ឋកិច្ចពិគ្រោះថ្លៃ ១០០០ ដុល្លារសហរដ្ឋគឺ ១០០០ តែបើសិនដេញថ្លៃ ១០០០ ធ្លាក់នៅ ៥០០ ដុល្លារទេពីព្រោះអ្នកទាំងអស់នោះដេញថ្លៃមកបន្ថោកថ្លៃទាំងអស់អ៊ីចឹងលោកអត់ដឹងចេះតែថាចុះទ្រីភាពអីពិគ្រោះថ្លៃតែម្នាក់ឯងទ្រីភាពគឺទិញថ្លៃជាងគេតែម្ដងឥឡូវទ្រីភាពចូលដេញថ្លៃ ទ្រីភាពជាន់ជើងទាំងអស់ចំណាយលុយតែ ១ គុប ៣០០ ដុល្លារអាមេរិកតើអង្គការទាំងអស់នោះថាម៉េចវិញ? មិនកើតជាអំពើពុករលួយស៊ីសំណូកសូកប៉ាន់តែមន្ត្រីរាជការអត់បានមួយរៀលទេតែមួយរៀលទាំងអស់ពុករលួយអ្នកដែលចូលដេញថ្លៃនោះគេសួរថាតើឲ្យខ្ញុំប៉ុន្មានអាហ្នឹងនិយាយតាមត្រង់អាការដេញថ្លៃខាតប្រយោជន៍ជាតិ។ អ៊ីចឹងខ្ញុំទៅដេញថ្លៃផ្ទាល់ក្នុងមួយគុបសម្តេចដាក់ ៩០០ ដុល្លារអាមេរិក ឬ ១០០០ ដុល្លារអ៊ីចឹងវាថ្លៃហើយមិនថាឈើតូចឈើធំទេហើយឈើដែលចាប់បាននោះកម្រចាប់បានឈើលេខមួយលេខពីរណាស់គឺចាប់បានតែឈើប្រណីត។
ដោយសារតែល្បីឈ្មោះក្នុងការកាប់បំផ្លាញព្រៃឈើនោះក្រុមតំណាងរាស្ត្រគណបក្សប្រឆាំងក៏បានស្នើសុំទៅរដ្ឋសភាតាមរយៈលោក ហេង សំ រិន ឲ្យលុបឈ្មោះក្រុមហ៊ុនរបស់លោកតើលោកយល់យ៉ាងម៉េចដែរអំពីបញ្ហានេះ?
ទ្រីភាពអត់ដូរត្រកូល អត់មានរត់ ដូចគណបក្សប្រឆាំងថាសូមសម្តេច ហេង សំ រិន សុំលុបក្រុមហ៊ុនទ្រីភាពគ្រុប និង MDS រឿងអីលុបបានខ្ញុំធ្វើអីខុសអត់? អត់ខុសទេបង់ពន្ធចូលរដ្ឋមានច្បាប់ទម្លាប់មាន ស.ជ.ណ របស់រាជរដ្ឋាភិបាលហើយរឿងអីយើងទៅលុបអ៊ីចឹងបើសិនទ្រីភាពលុប ទ្រីភាពក្បត់ជាតិហើយ។
នៅពេលដែលលោកឧកញ៉ាបានឮអំពីការរិះគន់ថាលោកឧកញ៉ាជាឧក្រិដ្ឋជនកាប់ព្រៃឈើតើលោកឧកញ៉ានៅពេលនោះមានអារម្មណ៍ឬប្រតិកម្មយ៉ាងម៉េចដែរ?
ទាក់ទិនទៅនឹងការរិះគន់ថាខ្ញុំជាអ្នកបំផ្លាញព្រៃឈើបើតាមយោបល់របស់ខ្ញុំសប្បាយចិត្តគេរិះគន់សប្បាយចិត្តបើសិនណាគេរិះគន់យើងក្តៅក្រហាយក្នុងខ្លួនធ្វើឲ្យយើងឆាប់ចាស់តែសម្រាប់ខ្ញុំសប្បាយចិត្តត្រង់ថាគេអ្នករិះគន់គេអត់ល្អគេច្រណែនយើង។ បើឈ្មោះអាក្រក់ហើយទៅព្រៃសអាហ្នឹងគេថាអន់តែបើឈ្មោះអាក្រក់ហើយនៅឈរនិយាយជាមួយអស់លោកមានអីអន់អាហ្នឹងខ្លាំងមិនធម្មតាទេឥទ្ធិពលខ្លាំងណាស់រាជរដ្ឋាភិបាលដឹកនាំប្រទេសអ្នកណាល្អអ្នកណាអាក្រក់គាត់ដឹងហើយបើទ្រីភាពធ្វើខុសល្បីប៉ុណ្ណឹងខ្នោះបាត់។ គាត់មិនមែនឲ្យយើងបំផ្លាញជាតិតែម្នាក់ឯងទេគាត់រំដោះទឹកដីប្រទេសកម្ពុជាលំបាកមែនទែនឲ្យរួចពីទុក្ខប្រល័យពូជសាសន៍ប៉ុលពត។ អាហ្នឹងហើយដែលគេចេះតែវាយតែទ្រីភាពស្រុកខ្មែរខ្ញុំមិននិយាយឲ្យប៉ះអ្នកណាទេស្រុកខ្មែរឲ្យតែរកស៊ីឈើដឹងតែទ្រីភាពទាំងអស់មូលដូចបាល់ទ្រីភាពរកស៊ីឈើស្រុកខ្មែរមានតែម្នាក់ទេ។
ទន្ទឹមនឹងការនាំឈើចេញទៅលក់នៅក្រៅប្រទេសក៏ឃើញលោកឧកញ៉ាបានបង្កើតសារមន្ទីរឈើមួយនៅស្រុកអង្គស្នួល ខេត្តកណ្តាលតើលោកឧញ៉ាអាចពន្យល់បានទេអំពីបញ្ហានេះ?
បើកាប់ត្រូវដាំអាហ្នឹងហើយដាំគឺដាំឈើងាប់ស្លាប់ ៣០០ ឆ្នាំក្រោយនៅតែជាឈើងាប់នៅតែរស់តែបើកាប់អត់មានផ្សែងមានអីរស់ទៀតវាងាប់អស់ហើយបាត់អស់ស្រមោលតែម្តងអ៊ីចឹងឈើគ្រប់សម្បុរគ្រប់ពណ៌ចូលសារមន្ទីរឈើរបស់ឧកញ៉ាទ្រីភាពដូចរបស់រាជរដ្ឋាភិបាលយើងមិនមែនរកស៊ីលក់ដូរឯណាសារមន្ទីរអ៊ីចឹងឲ្យកូនខ្មែរទូទៅទាំងអស់អត់ស្គាល់ឈើអាចទៅធ្វើការសិក្សាប្រទេសនានាដែលគេមកគេចូលលេងគេស្គាល់អានេះដើមរាជកុលដើមបេង ត្រាវ បេង ធ្នង់ ទុកជាភារៈមួយដ៏ខ្ពង់ខ្ពស់របស់ខ្មែរ។
ជាទិសដៅទៅថ្ងៃអនាគតតើលោកឧកញ៉ានៅបន្តការរកស៊ីឈើនេះទៀតឬក៏មានបំណង់បន្តការពង្រីកដំណាំជាកសិឧស្សាហកម្ម?
ខ្ញុំមិនអាចធ្វើទៅរួចទៀតទេដំណាំទាំងអស់វាប៉ះពាល់ដីត្រូវសុំដីថ្មីអភិវឌ្ឍថ្មី ស្អីៗត្រូវសុំថ្មី ថ្មីទាំងអស់វាពិបាកណាស់ពេលណាយើងសុំ ១ ម៉ឺនហិកតាបងប្អូនគ្រប់អង្គការវ៉ៃខ្ញុំថាយកដីកាប់ឈើទៀត អ៊ីចឹងខ្ញុំឈប់កាប់ឈើខ្ញុំដាំតែកៅស៊ូខ្ញុំអត់មានតអីទៀតទេ អ៊ីចឹងប៉ុណ្ណឹងបានហើយវាអស់កំណត់ហើយឲ្យបៃតងវារីកគ្រប់កន្លែងទៅសម្រាប់ខ្ញុំវាអស់ស្រមៃឃើញដាំអានេះដាំអានោះហើយអាយុកាលខ្ញុំថែតែកៅស៊ូ និងម្រេចប៉ុណ្ណឹងបានហើយ។ គឺខ្ញុំឈប់កាប់ព្រៃសព្វថ្ងៃឡានខ្ញុំដឹកឈើដែលគេថាខ្ញុំបំផ្លាញព្រៃឈើខ្ញុំសព្វថ្ងៃបានពីរដ្ឋបាលព្រៃឈើទី្រភាពដឹកលុយឲ្យប្រទេសកម្ពុជាទេបង់ពន្ធឲ្យប្រទេសកម្ពុជាទេមុននឹងដឹកគបង់លុយអស់ហើយ។
តើអ្វីដែលជាកក្តាជំរុញឲ្យលោកឧកញ៉ាឈានមកដល់ភាពជោគជ័យរហូតដល់សព្វថ្ងៃនេះ?
ទម្រាំឈានដល់ភាពជោគជ័យជាកូនខ្មែរមួយរូបជីវិតរបស់ខ្ញុំបើរៀបរាប់ទៅវាលំបាកណាស់ខ្ញុំមានដើមកំណើតនៅឃុំត្បែងស្រុកកណ្តាលស្ទឹង ខេត្តកណ្តាលកាលពីឆ្នាំ ៨០ ជាងខ្មោចយាយខ្ញុំគាត់ស្លាប់អស់។ ខ្ញុំឡើងដើមត្នោតទ្រូងខ្ញុំរបកអស់ហើយ។ ខ្ញុំឡើងគេឲ្យ ១ ដើម ៣ រៀលលុយខ្មែរអ៊ីចឹងកសិករសុទ្ធកាប់បង្អោងឡើងដើមត្នោតធ្វើស្រែធ្វើស្រូវការរំឭករឿងដើមធ្វើឲ្យខ្ញុំនឹកឃើញរឿងសែនអភ័ព្វតែអ័ភ័ព្វលំដាប់ថ្លៃថ្លៃដោយសារការរុងរឿងរបស់ខ្ញុំ។ ការតស៊ូរបស់ខ្ញុំផ្ទាល់កើតជាកិត្តិយសគោរមងារជាឧកញ៉ាទ្រីភាពនេះហើយបង្កើតជាក្រុមហ៊ុនទ្រីភាពគ្រុបនេះគឺនឹកគុណមហាអំណាចទាំងពីរសម្តេចតេជោ សែន និងសម្តេចកិត្តិព្រឹទ្ធបណ្ឌិត ប៊ុន រ៉ានីហ៊ុន សែនគាត់បណ្តុះបណ្តាលខ្ញុំតាំងពីដើមដល់ចប់ ការជោគជ័យរបស់ក្រុមហ៊ុនទី្រភាពគ្រុបនោះជាការជោគជ័យរបស់៧មករាមានថ្ងៃ៧មករាទើបបានធ្វើឲ្យទី្រភាពឈរជើងដោយមានគោរមងារឧកញ៉ាទ្រីភាព និងក្រុមហ៊ុនទ្រីភាពគ្រុបរហូតមកដល់សព្វថ្ងៃនេះ៕
No comments:
Post a Comment