ម៉ៃ ទិត្យថារ៉ា
កម្លាំងសមត្ថកិច្ចបានបើកការបង្ក្រាបទៅលើកម្មករដែលធ្វើការតវ៉ាកន្លងមក។ រូបថត ភ្នំពេញប៉ុស្តិ៍ |
ភ្នំពេញៈ រដ្ឋាភិបាលបានបង្ហាញជំហរស្វែងរកយុត្តិធម៌ដល់ជនរងគ្រោះនៃអំពើហិង្សាដែលបានកើតឡើងក្រោយពីលទ្ធផលនៃការបោះឆ្នោតដែលអំពើហិង្សាបានកើតឡើងនៅមុខរោងចក្រយ៉ាកជីង និងសួនឧស្សាហកម្មកាណាឌីយ៉ាផ្លូវវេងស្រេងនៅពេលដែលកម្មករធ្វើបាតុកម្មទាមទារដំឡើងប្រាក់ឈ្នួលកម្មករ ១៦០ ដុល្លារក្នុងមួយខែ និងអំពើហិង្សាកើតឡើងដោយសារតែធ្វើបាតុកម្មរំដោះទីលានប្រជាធិបតេយ្យ។ ប៉ុន្តែការស្វែងរកយុត្តិធម៌ក៏បានបង្ហាញពីលទ្ធផលបន្តបន្ទាប់ផងដែរគឺមានអ្នកជាប់ពន្ធនាគារបន្តស្វែងរកចាប់ខ្លួន និងមិនមាននរណាម្នាក់ចេញមុខទទួលខុសត្រូវនៅឡើយ។
កាលពីថ្ងៃទី ១០ ខែកមរា ឆ្នាំ ២០១៥ លោកនាយករដ្ឋមន្ត្រី ហ៊ុន សែន បានមានប្រសាសន៍ក្រើនរំឭកដល់គណៈកម្មការទាំងបីរួមមាន គណៈកម្មការដែលបានបង្កើតឡើងក្នុងគោលដៅស្រាវជ្រាវការខូចខាតបណ្តាលមកពីបាតុកម្មអនាធិបតេយ្យគណៈកម្មការដែលបានបង្កើតឡើងក្នុងគោលដៅសិក្សាស្រាវជ្រាវឧបទ្ទវហេតុដែលកើតមាននៅផ្លូវវេងស្រេង និងគណៈកម្មការសិក្សាស្រាវជ្រាវប្រាក់ឈ្នួលអប្បបរមាសម្រាប់កម្មករ និយោជិតផ្នែកវាយនភ័ណ្ឌកាត់ដេរសម្លៀកបំពាក់ និងផលិតស្បែកជើង។
ក្រោយមកទៀតនៅថ្ងៃទី ៣ ខែសីហា ២០១៥ លោកនាយករដ្ឋមន្ត្រី ហ៊ុន សែន បានដាក់បញ្ជាឲ្យអគ្គស្នងការនគរបាលជាតិ លោក នេត សាវឿន និងអភិបាលរាជធានីភ្នំពេញ ប៉ា សុជាតិវង្ស ស្វែងរក និងចាប់ខ្លួនអ្នកតវ៉ាបន្ថែមពាក់ព័ន្ធនៅក្នុង «កុបកម្មហិង្សា» ដែលបានបង្កឲ្យសន្តិសុខខណ្ឌដូនពេញចំនួន ៣៩ នាក់រងរបួស និងអ្នកតវ៉ា ៦ នាក់រងរបួស។
ក្រោយពីប្រសាសន៍របស់លោកនាយករដ្ឋមន្ត្រី ហ៊ុន សែន មួយថ្ងៃចៅក្រមសាលាដំបូងរាជធានីភ្នំពេញ បានចេញដីកាកោះហៅសកម្មជនគណបក្សសង្គ្រោះជាតិចំនួន ៥ នាក់បន្ថែមទៀតពាក់ព័ន្ធនឹង «កុបកម្ម» នៅទីលានប្រជាធិបតេយ្យបន្ទាប់ពីសកម្មជនរបស់គណបក្សប្រឆាំង ១០ នាក់រួមទាំងលោក មាជ សុវណ្ណារ៉ា ត្រូវបានសាលាដំបូងរាជធានីភ្នំពេញផ្តន្ទាទោសឲ្យជាប់ពន្ធនាគារពី ៧ ឆ្នាំ ទៅ ២០ ឆ្នាំ និងចាប់បញ្ជូនទៅឃុំខ្លួននៅពន្ធនាគារព្រៃសភ្លាមៗ។
ជនរងគ្រោះនៅមុខរោងចក្រយ៉ាកជីង លោក វន់ ពៅ ប្រធានសមាគមឯករាជ្យនៃសេដ្ឋកិច្ចក្រៅប្រព័ន្ធដែលត្រូវតុលាការបានសម្រេចកាត់ទោសឲ្យជាប់ពន្ធនាគារ ៤ ឆ្នាំកន្លះហើយបង្គាប់ឲ្យបង់ ៨ លានរៀលបានថ្លែងថាចំពោះចំណាត់ការរបស់រដ្ឋាភិបាលបច្ចុប្បន្ននេះគឺរកយុត្តិធម៌ឲ្យតែភាគីជនរងគ្រោះដែលជាសមត្ថកិច្ចប៉ុណ្ណោះ។ ចំណែកឯ ជនរងគ្រោះដែលជាសកម្មជនសិទ្ធិមនុស្សកម្មកររោងចក្រហាក់ដូចជាពុំទាន់មានអ្វីនៅឡើយទេ។
លោកបានថ្លែងថា៖ «យើងជាជនរងគ្រោះដោយសារតែសមត្ថកិច្ចបង្ក្រាបដូច្នេះត្រូវរកយុត្តិធម៌ដល់អ្នករងគ្រោះទាំងអស់គ្នាបើរកយុត្តិធម៌តែម្ខាងគឺបង្ហាញថាប្រទេសយើងមាននីតិរដ្ឋមិនទាន់ពិតប្រាកដទេពលរដ្ឋទាំងអស់គឺត្រូវការយុត្តិធម៌ទាំងអស់គ្នា»។
រីឯ យុវជន ហឿន ចាន់ បានរងរបួសធ្ងន់នៅក្នុងការបង្ក្រាបរបស់សមត្ថកិច្ចទៅលើកម្មកររោងចក្រ SL នៅគល់ស្ពានស្ទឹងមានជ័យដោយត្រូវគ្រាប់កាំភ្លើងចំចង្កេះខាងឆ្វេងហើយប៉ះពាល់ដល់ខួរឆ្អឹងខ្នងធ្វើឲ្យយុវជនរូបនោះត្រូវពិការមួយកំណាត់ខ្លួនចុះក្រោមបានឲ្យដឹងថាបើតាមអ្វីដែលខ្លួនបានឃើញសព្វថ្ងៃនេះអាជ្ញាធរបានចាត់វិធានការតែម្ខាងទៅលើកងកម្លាំងសន្តិសុខដែលរងរបួសប៉ុណ្ណោះប៉ុន្តែពុំបានចាត់វិធានការទៅលើសមត្ថកិច្ចដែលបង្កហិង្សាមកលើពលរដ្ឋនោះទេ។
លោកបានថ្លែងថា៖ «ខ្ញុំពិការធ្វើអីមិនកើតដោយសារតែសមត្ថកិច្ចបាញ់ត្រូវតែរហូតមកដល់ពេលនេះខ្ញុំពុំបានទទួលយុត្តិធម៌សូម្បីតែបន្តិចហើយបើថាមិនចង់រកយុត្តិធម៌ឲ្យក៏គួរតែអាណិតខ្ញុំដែលធ្លាក់ខ្លួនពិការជួយឧបត្ថម្ភទ្រទ្រង់ជីវភាពខ្លះក៏គ្មាន។ ខ្ញុំរស់ពិបាកជាងស្លាប់»។
ចំណែកឯ លោក អំ សំអាត មន្ត្រីស៊ើបអង្កេតជាន់ខ្ពស់អង្គការការពារសិទ្ធិមនុស្សបានថ្លែងថាក្រោយពីមានអំពើហិង្សាកើតឡើងកន្លងមករាជរដ្ឋាភិបាលតែងតែបង្កើតគណៈកម្មការដើម្បីធ្វើការស្រាវជ្រាវដូចជា អំពើហិង្សាបានកើតឡើងនៅមុខរោងចក្រ យ៉ាកជីង និងសួនឧស្សាហកម្ម កាណាឌីយ៉ា ផ្លូវវេងស្រេង ទីលានប្រជាធិបតេយ្យ ជាដើម ប៉ុន្តែពុំមានលទ្ធផលអ្វីក្រៅពីទម្លាក់កំហុសមកលើគណបក្សសង្គ្រោះជាតិប៉ុណ្ណោះរហូតដល់មានការចាប់ខ្លួនអ្នកតំណាងរាស្ត្ររហូតមកដល់សព្វថ្ងៃ និងបន្តចាប់ខ្លួនសកម្មជនជាបន្តបន្ទាប់។
លោកបានថ្លែងថា៖ «ផ្ទុយទៅវិញការស្រាវជ្រាវនោះពុំចាត់វិធានការទៅលើកម្លាំងសមត្ថកិច្ចដែលបានបាញ់មនុស្សឲ្យស្លាប់ និងបង្កឲ្យមានរងរបួសធ្ងន់នោះទេ។ ហើយតុលាការវិញមានវិធានការលឿនបំផុតនៅពេលណាដែលមានបញ្ជាពីនាយករដ្ឋមន្ត្រីដូច្នេះសបញ្ជាក់ឲ្យឃើញតុលាការ គឺជាឧបករណ៍របស់អ្នកនយោបាយពុំមានឆន្ទៈក្នុងការស្វែងរកយុត្តិធម៌ដល់ជនរងគ្រោះនោះទេ»។
លោកបានឲ្យដឹងបន្ថែមទៀតថា រដ្ឋាភិបាលគួរតែពន្លឿននៃគណៈកម្មការស៊ើបអង្កេតដែលបានបង្កើតកន្លងមកដើម្បីរកជនដែលបង្កដែលជាសមត្ថកិច្ចដើម្បីផ្តន្ទាទោសទៅតាមច្បាប់ និងដើម្បីផ្តល់យុត្តិធម៌ដល់ជនរងគ្រោះទាំងគ្រួសារអ្នកដែលស្លាប់បាត់ខ្លួន និងរងរបួសកន្លងមក។
ក្រោយពីមានការចាប់ខ្លួនសកម្មជនរបស់ខ្លួនបន្ថែមនៅថ្ងៃទី ៥ ខែសីហាគណបក្សសង្គ្រោះជាតិបានចេញសេក្តីថ្លែងការណ៍ដោយអំពាវនាវឲ្យដោះលែងសកម្មជនខ្លួនដោយគ្មានលក្ខខណ្ឌ និងជំរុញឲ្យគណបក្សប្រជាជនកម្ពុជាបញ្ឈប់ជាបន្ទាន់ក្នុងការប្រើប្រាស់ប្រព័ន្ធតុលាការដើម្បីគំរាមកំហែងផ្នែកនយោបាយ។ ដោយចាត់ទុកថាបានរំលោភលើកិច្ចព្រមព្រៀងកាលពីថ្ងៃទី ២២ ខែកក្កដា ២០១៤ និងបំពានលើគោលការណ៍ប្រជាធិបតេយ្យ។
ទាក់ទិនទៅនឹងចំណាត់ការនេះលោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រីបានលើកឡើងថាអ្វីដែលតុលាការធ្វើគឺទៅតាមនីតិវិធីច្បាប់ហើយលោក កឹម សុខា ក៏ធ្លាប់បានលើកឡើងផងដែរថាជនដែលបង្កហិង្សាកន្លងមកគឺពុំមែនជាសមាជិករបស់ខ្លួននោះទេហើយជនដែលជាប់ពាក់ព័ន្ធទាំងអស់នោះក៏មិនរួចពីសំណាញ់ច្បាប់ដែរ។
លោកបានថ្លែងបន្តថា៖ «មិនមែនរដ្ឋាភិបាលធ្វើតែម្ខាងនោះទេគឺធ្វើទាំងអស់ទាំងអ្នកបង្កឲ្យមានរឿងដែលរាប់បញ្ចូលទាំងលោក សម រង្ស៊ី លោក កឹម សុខា និងប្រធានសហជីពមួយចំនួនទៀតផង»។
ជាការឆ្លើយតប លោកឧត្តមសេនីយ៍ឯក ម៉ក់ ជីតូ អគ្គស្នងការរងនគរបាលជាតិបានថ្លែងថាលោកពុំមែនជាអ្នកកាន់សំណុំរឿងនេះទេ។ ចំណែកឯលោក សុខ ខេមរិន្ទ ប្រធាននាយកដ្ឋានព្រហ្មទណ្ឌក្រសួងមហាផ្ទៃបានថ្លែងថាលោកទើបតែឡើងកាន់មុខតំណែងថ្មីដូច្នេះលោកពុំដឹងថាអ្នកណាជាអ្នកកាន់ករណីនេះទេ។
បើយោងទៅតាមការចេញផ្សាយសេចក្តីសម្រង់របកគំហើញរបស់គណៈកម្មការវាយតម្លៃការខូចខាតដែលបង្កឡើងដោយបាតុកម្មរបស់ក្រសួងមហាផ្ទៃដែលបានចេញផ្សាយកាលពីថ្ងៃទី ២៦ ខែមីនា ឆ្នាំ ២០១៥ បានឲ្យដឹងថាយ៉ាងហោចណាស់ក៏មានមនុស្សចំនួន ៤ នាក់បានស្លាប់ប្រជាពលរដ្ឋ និងកម្លាំងសមត្ថកិច្ចចំនួន ៦៤ នាក់បានរងរបួស និងមនុស្ស ២៣ នាក់បានឃាត់ខ្លួនព្រមទាំងខូចខាតទ្រព្យសម្បតិ្តសាធារណៈរបស់រដ្ឋ និងទ្រព្យសម្បត្តិរបស់ឯកជននៅរាជធានីភ្នំពេញ និងខេត្តចំនួនជិត ១០០ លានដុល្លារចាប់តាំងថ្ងៃធ្វើបាតុកម្មក្រោយការបោះឆ្នោតថ្ងៃទី ២៨ កក្កដា ឆ្នាំ ២០១៣ រហូតដល់ដើមខែមករាឆ្នាំ ២០១៤ ដែលអាជ្ញាធរបានហៅបាតុកម្មនោះថាជាបាតុកម្មខុសច្បាប់ដែលដឹកនាំដោយគណបក្សសង្គ្រោះជាតិ៕
1 comment:
The punishment or oppression on the opposition members was happened for a long period of time, but not just now .It's systematically and used to happened on Khmer land since the enemy Yuon invasion and sneak in to occupied our land 30 years ago .And dictator installed to power as puppet under same communist regime still apply same standard of two weight and two figures . They punished you because you don't belong to them.if you belong to them they will turn the eyes away and not just that, they will shield you from harm way or give some bribe compensation too . Khmer of today have two different standard of life .The CPP cronies or fanatics fan can have full power and enormous protection from their pear or higher authority.they can do anything they want without fear of persecution .But for Khmer independent or LANGO or CNRP or some innocent Khmer but not support the oppression regime,they use a special brutal standard,like ferocious kick.stump hand cuff and put in jail without any due process. In some case they use primitive law by mouth order without any procedure of law apply . the Fascist leader just order by megaphone,2 or 3 hours later the victim go to prison with any procedural or lawyer attended .Did this a true country of democracy or a pure dictatorship country ? did this country rule by law or by fascist thug ? You Khmer decide by yourself Please .
Post a Comment