Fri, 31 July 2015
AFP
លោកស្រីអ៊ុង សានស៊ូជី (ឆ្វេង) ដាក់ពាក្យដើម្បីចុះឈ្មោះជាបេក្ខជនសម្រាប់ការបោះឆ្នោតជាទូទៅនៅក្នុងខែវិច្ឆិកា។ Afp |
ទីប្រជុំជនថានលីយីនៈ មេដឹកនាំគណបក្សប្រឆាំងមីយ៉ាន់ម៉ាលោកស្រីអ៊ុង សានស៊ូជី កាលពីថ្ងៃពុធ បានចុះឈ្មោះជាបេក្ខជនសម្រាប់ការបោះឆ្នោតជាទូទៅដែលគណបក្សរបស់លោកស្រីត្រូវបានរំពឹងថានឹងទទួលបានជោគជ័យទាំងស្រុង ខណៈប្លុកគ្រប់គ្រងអំណាចបានសារភាពថាខ្លួនត្រៀមបរាជ័យ។
ក្នុងពេលជាមួយគ្នានោះ មីយ៉ាន់ម៉ា កាលពីថ្ងៃព្រហស្បតិ៍ បានបញ្ជាឲ្យដោះលែងអ្នកទោស រាប់ពាន់នាក់ ដែលនៅក្នុងនោះ មានជនបរទេស ២១០ នាក់។
អ្នកគាំទ្រដែលស្រែកអបអររាប់រយនាក់ បានជួបជុំគ្នានៅក្នុងទីប្រជុំជន ថានលីយីន ដែលធ្វើដំណើរដោយរថយន្ដរយៈពេលពីរម៉ោងពីក្រុងយ៉ាំងហ្គោនខណៈលោកស្រី ស៊ូជី បានចុះឈ្មោះជាផ្លូវការបង្ហាញពីបំណងលោកស្រី ដើម្បីឈរឈ្មោះជាថ្មីសម្រាប់មណ្ឌលបោះឆ្នោតនៅជនបទមួយនៃទីប្រជុំជន Kawhmu នៅក្នុងការបោះឆ្នោតនៅខែវិច្ឆិកា។
សកម្មជនជើងចាស់ ជាបេក្ខជនទី ១ ដែលត្រូវបានបញ្ជាក់ដោយសម្ព័ន្ធជាតិដើម្បីលទ្ធិប្រជាធិបតេយ្យ (NLD) ត្រូវអបអរដោយក្រុមសកម្មជនដែលរាំច្រៀង និងគ្រវីទង់ជាតិ ប៉ុន្តែមិនបានថ្លែងទៅកាន់ពួកគេទេ។
អ្នកនាំពាក្យគណបក្ស NLD លោក Nyan Win បានប្រាប់ AFP ថាបេក្ខជនទាំងអស់អាចចាប់ផ្តើមធ្វើយុទ្ធនាការឃោសនាបាន លុះតែក្រុមមន្ត្រីរៀបចំការបោះឆ្នោតអនុញ្ញាតឲ្យ។
លោកបាននិយាយថា ពួកគេគ្រប់គ្នាកំពុងរង់ចាំ។
ផ្ទុយនឹងបរិយាកាសសប្បាយរីករាយនៅទីប្រជុំជនថានលីយីន ក្រុមប្រជែងនយោបាយសំខាន់ របស់លោកស្រីស៊ូជីនៅក្នុងក្រុងយ៉ាំងហ្គោន បានបង្ហាញសញ្ញានៃសុទិដ្ឋិនិយមបណ្តើរៗ ខណៈដែលភាពតានតឹងកំពុងតែឡើងកម្ដៅរវាងមេដឹកនៃគណបក្សសហភាពសាមគ្គីនិងអភិវឌ្ឍន៍ ( USDP) និងកងទ័ពដែលកំពុងកាន់អំណាច៕
ppp
No comments:
Post a Comment